-Foto ilustrim-
Kryetarët e partive politike shqiptare nga Lugina e Preshevës, gjatë ditës së djeshme kanë zhvilluar takim të përbashkët me kryeministrin e Kosovës, Albin Kurti, mbi mundësinë e krijimit të një liste të përbashkët për zgjedhjet e ardhshme parlamentare në Serbi.
Sipas FolOnline, kryeministri Kurti është shprehur në favor të një liste me emra eminentë dhe të dëshmuar në lëminë e përfaqësimit politik të shqiptarëve.
Por pavarësisht kërkesës së kryeministrit të Kosovës, nuk është arritë ndonjë marrëveshje mbi krijimin e një liste të përbashkët në mes të liderëve politikë që ishin në takim.
Ajo që bënë të ditur portal FolOnline, në takim kanë marrë pjesë, Shaip Kamberi – kryetar i PVD-së, Ragmi Mustafa – kryetar i PDSH-së, Shqipirm Musliu – kryetar i LPD-së, Naser Aziri – kryetar i UDHS-së dhe Armend Aliu nga radhët e ASH-së.
Në takim nuk kanë marrë pjesë Shqiprim Arifi i APN-së dhe Sami Salihu nga LR, derisa Nagip Arifi – kryetar i PD-së, ka qenë në takim me kryeministrin Kurti gjatë ditës së hënë.
Kujtojmë që në zgjedhjet e fundit, shqiptarët garuan me dy lista zgjedhore, nga ku Koalicioni I Shqiptarëve të Luginës në krye me Shaip Kamberin fitoi një mandate, derisa Alternativa Demokratike Shqiptare e Shqiprim Arifi, nuk fitoi asnjë mandate./LUGINALAJMI/
