Nëpërmjet një postimi në facebook, këshilltari komunal nga rradhët e Partisë Demokratike, Rahim Rahimi, ka shpreh paknaqësinë e tij lidhur me mospërfaqësimin e fshatit Bilaç në Kuvendin e ardhshëm të Këshillit Kombëtar Shqiptar.
“Në zgjedhjet e fundit të KNSH-së u vërtetua edhe njëherë se fshati Bilaç po shfrytëzohet vetëm për vota dhe interesa politike. Kjo shihet qart se në disa subjekte politike nuk është parapa asnjë këshilltar nga f. Bilaç, veçanarisht në përbërjen e re e cila u zgjodhë me anën e 523 elektorëve” – ka shkruar këshilltari Rahimi në facebook.
Ai tutje, ka shkruar për epitetin që dikur partitë i jepnin fshatit Bilaç.
“Dikur Bilaçin e dekoronin me titull ;
“Bastion” dhe “Mollë e ndaluar”, kurse tani e harruan dhe nuk kanë guxim ta permendin” – ka shkruar Rahimi në facebook.
Ka kohë që këshiltari nga Bilaçi, është i paknaqur me strukturat e Partisë Demokratike dhe me vetëqeverisjen lokale të Bujanocit, për faktin që nëndega e PD-së në Bilaç, nuk po trajtohet në mënyrë të duhur, përkundër që kjo nëndegë, për disa herë me rend i kanë sjell fitoren partisë së Nagip Arifit në ketë fshat të Komunës së Bujanicit./LUGINALAJM/
