Mëngjesin e sotëm, respektivisht rreth orës 10:00h, në pikëkalimin “Muçibabë” ndërmjet Serbisë dhe Kosovës, policia serbe ka ndaluar Ardita Sinanin, këshilltaren e kryeministrit të Kosovës për Luginën e Preshevës.
Lajmin e ka bërë të ditur vet Sinani përmes një postimi në facebook.
“Sot, rreth orës 10:00 në vendkalimin kufitar me Republikën e Kosovës, në Muçibabë, jam ndaluar nga policia kufitare serbe për mbi një orë. Arsyetimi i vetëm që mu dha nga policët kufitarë të Serbisë “Kemi urdhër për ndalimin tuaj dhe nuk mund të të lejojmë ta kalosh kufirin pa marrë pëlqim nga baza”. Asnjë sqarim shtesë për arsyen, apo se kush është baza që duhet pyetur dhe marrë leje për të kaluar kufirin” – ka njoftuar ndër të tjera Ardita Sinani përmes një postimi në facebook.
Tutje, ajo ka shtuar se: “Ky rast, sigurisht do të jetë vetëm shtytje edhe më e madhe për të folur me zë edhe më të lartë për diskriminimin shtetërorë serb ndaj shqiptarëve”.
Kujtojmë që, ish kryetarja e Komunës së Preshevës, Ardita Sinani që nga shtatori i vitit të kaluar është emëruar për këshilltare e kryeministrit të Kosovës për komunat Preshevë, Bujanoc dhe Medvegjë./LUGINALAJMI/
