Delegacioni i Luginës së Preshevë po qëndron për vizitë në kryeqendrën e politikë europiane, Strasburg.
Në ditën e parë të takimit, delegacioni nga Lugina, fillimisht ka zhvilluar takim me raportuesit për Kosovën dhe Serbinë në Parlamentin Evropian, znj. Viola von Cramon dhe z. Vladimir Bilčik.
Sipas Ardita Sinani, delegacioni nga Lugina ka ngrit çështjen e diskriminimit të shqiptarëve, veçanërisht në Luginën e Preshevës dhe domosdoshmërinë e trajtimit në kontekst të barazisë dhe lirive individuale e kolektive në bazë të konventave ndërkombëtare.
Më pas, delegacioni, ka zhvilluar takime me Tatiana Mrazikova, këshilltaren për Ballkanin Perëndimor të Presidentes së Parlamentit Evropian, znj. Roberta Metsola.
Në fund, përfaqësuesit shqiptarë nga Lugina e Preshevës,, agjendën e takimeve e kanë përmbyllur me Lukas Mandl, një mbështetës i Kosovës dhe pakicës shqiptare në Serbi në Parlamentin Evropian.
Kujtojmë, që Delegacioni i Luginës së Preshevës, po qëndron në Strasburg të Francës, ku po zhvillon takime të rëndësishme me përfaqësues të Parlamentit Europian dhe të Këshillit të europës, me qëllim të ngritjes së problematikës të Luginës së Preshevës, edhe në institucionet europiane.
Edhe gjatë ditës së sotme, përfaqësuesit e Luginës, do të zhvillojnë takime të rëndësishme në dy institucionet prestigjioze në Strasburg./LUGINALAJMI/
