Zgjedhjet parlamentare në Serbi, janë zhvilluar të dielën e kaluar, nga ku partia e presidentit serb, Aleksandar Vuçiq, ka dal triunfuese me një rezultat prej mbi 1.76 milion të votave, apo përkthyer në ulëse të Kuvendit republikan, 129 ulëse.
Por, në këto zgjedhje parlamentare në Serbi, shqiptarët e Luginës së Preshevës, morrën pjesë me me dy lista të veçanta; Koalicioni “Beteja politike e shqiptarëve vazhdon – Shaip Kamberi”, dhe koalicioni “Alternativa Demokratike Shqiptare – Lugina e Bashkuar” e përbërë nga APN e Shqiprim Arifit dhe LR e Sai Salihut.
Sipas rezultateve preliminare, lista e Shaip Kamberit ka siguruar mandatin e deputetit me që ka marrë 13.496 vota, derisa lista e Shqiprim Arifit, ka pësuar një debakël katatsrofal, që ka marrë në total 3.225 vota.
Ajo që vërehët nga numërimi i votave deri më tani, është fakti që lista e Shqiprim Arifit dhe Sami Salihut, më shumë kanë marrë vota në qendrat serbe të votimit, se sa në Luginë të Preshevës.
Në Komunën e Preshevës, ADSH (Shqiprim Arifi dhe Sami Salihu), kanë marrë gjithsejt 940 vota, në Komunën e Bujanocit 367 vota dhe në ate të Medvegjës, 73 vota, që në total I bie që në këto komuna të banuara me shqiptarë ka marrë1.380 vota. Kjo listë e përbërë prej APN-së dhe LR-së në brendësi të Serbisë, ka marrë 1.784 vota, që është numër më I madh I votave se san ë tre komunat e Luginës së Preshevës.
Kjo është një paradox për një koalicion të partive shqiptare në zgjedhjet parlamentare, kur më shumë vota vijnë nga qendrat e votimit në brendësi të Serbisë, se san ë ato shqiptare në Luginë të Preshevës./LUGINALAJMI/
