Pikërisht në mesnatë (ndërmjet së enjtes dhe të premtes) ka filluar heshtja zgjedhore e vlefshme për zgjedhjet e parakohshme republikane në Serbi dhe do të zgjasë deri në mbylljen e qendrave të votimit të dielën, në orën 20:00h.
Heshtja zgjedhore është një periudhë gjatë së cilës ndalohet publikimi i vlerësimeve të rezultateve të zgjedhjeve në media dhe në tubime publike, prezantimi publik i kandidatëve në zgjedhje dhe programet e tyre zgjedhore dhe ftimi i votuesve për të votuar ose jo për lista të caktuara zgjedhore ose kandidatët. Heshtja zgjedhore fillon 48 orë para ditës së zgjedhjeve dhe zgjat deri në mbylljen e qendrave të votimit.
Në qendrën e votimit dhe në një distancë prej 50 metrave, ndalohet vendosja e simboleve të partive politike dhe materialeve të tjera propagandistike.
Zgjedhjet e jashtëzakonshme parlamentare, lokale dhe krahinore 2023 do të mbahen më 17 dhjetor./LUGINALAJMI/
