Policia serbe, ka arrestuar dje S. C. (1972), personi përgjegjës i shkollës fillore “Bora Stankoviq” në fshatin Klenikë të Komunës së Bujanocit, nën dyshimin se ka kryer veprën penale të marrjes së ryshfetit.
“Ai dyshohet se që nga gushti i vitit 2022 në disa raste ka kërkuar nga personi përgjegjës i një kompanie që merret me furnizimin e drunjëve të zjarrit, nga ku ka marrë dje 2.400 euro që të kryejë një veprim zyrtar në kuadër të fushës së tij. Autoritetin zyrtar që nuk duhej ta kryente, pra të tërhiqte padinë që kishte bërë në prill të këtij viti në Gjykatën Ekonomike kundër asaj shoqërie, në emër të vonesës dhe dorëzimit joadekuat të drunjëveve të zjarrit dhe sipas kontratës për dorëzimin e njësisë djegëse që kompania e ka përfunduar me shkollën në vitin 2022”, njoftoi MPB.
Siç dyshohet, S. C. ka kërkuar nga personi përgjegjës i kompanisë që merret me furnizimin e drunjëve, dërgimin e gjashtë fletëdorëzimit, pa datën dhe sasinë e shënuar, për të evidentuar në mënyrë retroaktive në regjistrat zyrtarë të shkollës në fjalë se sasia e munguar e drunjëve të zjarrit është dorëzuar, e cila realisht nuk ishte dorëzuar nga ajo kompani, e cila do të plotësoheshin kushtet për tërheqjen e padisë në gjykatën kompetente, transmeton Tanjug.
Gjatë arrestimit, policia tek i dyshuari ka gjetur 2400 euro, si dhe fletë-dorëzimin.
Të dyshuarit i është caktuar masa e ndalimit deri në 48 orë dhe me kallëzim penal do të dërgohet në prokurorinë kompetente.
Në deklaratë shtohet se në vazhdim të luftës së vendosur kundër korrupsionit, anëtarë të Ministrisë së Punëve të Brendshme, Departamentit Kundër Korrupsionit të UKP-së, arrestuan S. C. me urdhër të Departamentit Special për Shuarjen e Korrupsionit të Prokurorisë së Lartë Publike në Nish./LUGINALAJMI/
