Vuçiq: Do të japim nga 10 mijë dinarë për çdo fëmijë të posalindur deri në moshën 16 vjeçare

Presidenti Aleksandar Vuçiq gjatë një konference për mnedia dje, shpalli masën e re, duke thënë se është marrë vendim që për çdo fëmijë, të sapolindur, deri në moshën 16 vjeçare të jepen 10 mijë dinarë.
“Dhe ne ua japim atë nënave. Nënat i marrin këto para në llogari sipas numrit të fëmijëve që kanë. Nëse kanë dy fëmijë do të marrin 20 mijë dinarë”, tha Vuçiq.
Sipas tij, regjistrimi shkon nga data 20 gusht deri më 15 shtator, ndërsa pagesa bëhet rreth datës 25 shtator.
“Nëse një baba beqar është ai që kujdeset për fëmijët, atëherë ai do t’i marrë ato para. Nëse janë kujdestarë, do t’i marrin ato para. Gjithsej 1,190,000 fëmijë nga zero deri në 16 vjeç”, tha Vuçiq.
Presidenti tha se për këtë masë janë ndarë njëqind milionë euro.
“Sa i përket kuponëve, ne do të shkojmë nesër me 100 mijë të tjera sepse të mëparshmit janë grabitur, me nga 5 mijë dinarë dhe do të jemi gati për 100 mijë të tjera sepse duam t’i kërkojmë njerëzve që të kalojnë verën dhe dimrin në Serbi”. ka thënë Vuçiq.
Ai tha se Serbia në tre muajt e parë ka pasur 40 për qind rritje të të ardhurave nga turizmi.