Nëpërmjet një postimi në facebook, nënkryetari i Partisë Demokratike në Bujanoc, Rahim Rahimi, ka bërë të ditur që ka dhënë dorëheqje nga të gjitha strukturat e këtij subjekti politik që e drejton Nagip Arifi.
Rahimi, në dorëheqjen e tij të publikuar para pak çasteve, ka zbuluar arsyejen e largimit nga ky subjet politikë, pjesë e së cilës ishte që nga formimi i saj.
“Në këto dy vitet e fundit, unë isha i anashkaluar nga të gjitha proceset vendimmarrëse brenda partisë. Këto situata kanë ndikuar që të shtohen paknaqësitë në të gjitha nivelet e PD-se dhe të vi deri te ky perfundim. Duke dashur që qytetarët dhe votuesit e mi mos të preokupohen me këto problematika, kam ruajtur durimin, dhe kam vendosur që dorëheqjen time ta paraqes gati në fund të mandatit” – thuhet ndër të tjera në njoftimin e dorëheqjes.
Ai për më shumë, ka bërë të ditur që mandatin e këshilltarit, do t’ia kthej partisë, që në seancën e ardhshme të Kuvendit komunal.
“Edhe pse kanë mbetur pak kohë deri në zgjedhjet e reja, e konsideroj obligim moral që këtë mandat ta dorëzoj që në seancën e parë të Kuvendit Komunal” – ka njoftuar Rahimi.
Rahim Rahimi, aktualisht mbante pozitën e nënkryetarit të Partisë Demokratike. Në dy mandatet e fundit ka qenë këshilltar komunal nga rradhët e subjektit që drejton Nagip Arifi. Pjesë e Partisë Demokratike, ka qenë që nga themelimi i saj nga viti 2011. Largimi i Rahimit nga PD, besohet që do ta dëmtojë ketë subjekt politik, veçmas në vendbanimin e tij në Bilaç, që PD, prej vitesh e ka patur bastion të saj, pikërisht mbështetejes në popull që kishte Rahim Rahimi./LUGINALAJMI/
