Të enjten (dje) ka përfunduar transferimi i mjeteve nga Bashkia e Tiranës drejt Komunës së Bujanocit.
Janë 550 mijë euro, që kanë “fletur” në xhirollogarinë e posaçme devizore të Komunës së Bujanocit për ndërtimin e sallës së sporteve në shkollën fillore “Naim Frashëri” në Bujanoc.
Këto mjete të transferuara janë nga Bashkia e Tiranës, e cila muaj më parë, përmes Këshillit bashkiak pati vendosur që kryeqyteti shqiptar- Tirana të financojë në plotni projektin e ndërtimit të palestres së sporteve në shkollën fillore “Naim Frashëri” në Bujanoc.
Ky financim po konretizohet, pasi që kryetari i Kuvendit së Bujanocit, Enver Ramadani, pati zhvilluar një vizitë dy ditore në Tiranë, me ç’rast kishte takuar edhe kryebashkiakun Erijon Veliaj, me të cilin kishin rënë dakord që Bashkia e Tiranës të financojë e vetme ndërtimin e sallës së sporteve për nxënësit e shkollës fillore në Bujanoc.
Me këtë rast, Ramadani edhe njëherë ka falenderuar Tiranën përmes një postimi në facebook.
Puna e filluar muaj me parë sot po finalizohet!
TIRANA
Sot Bashkia e Tiranës ka bërë bartjen e mjeteve në Komunën e Bujanocit për ndërtimin e sallës sportive të Shkollës fillore Naim Frashëri Bujanoc.
Një punë të filluar muaj më parë të propozuar nga ne e të pranuar nga Bashkia Tiranës SOT u realizua, do jemi falenderues pa masë kryetarit @erionveliaj dhe kryetares së Këshillit bashkiak @rominakuko për realizimin e ketij projekti.
Fëmijët e Bujanocit dhe nxënësit e Shkollës Naim Frashëri do të ken kushte më të mira pune duke ju falënderuar Tiranës e Shqipërisë!
Tirana
@KeshilliTirane
@ShkollaFilloreNaimFrashëriBujanoc
Urime Bujanoc
FALEMINDERIT TIRANA
