Zëvendëskryeministri i parë i Qeverisë së Kosovës, Besnik Bislimi, ka reaguar ndaj vendimit të Gjykatës Supreme në Serbi e cila nuk i mori parasysh fyerjet e ministrit Aleksandar Vulin ndaj shqiptarëve. „Diskriminimi dhe gjuha e urrejtjes tani janë normë në Serbi. Me sa duket është e ligjshme sipas ligjit serb të përdoren terma nënçmues ndaj shqiptarëve“, ka shkruar Bislimi në platformën X. „Vendimi i Gjykatës Supreme të Serbisë për deklaratat e ish ministrit të mbrojtjes Vulin, thellon shqetësimet tona në lidhje me të drejtat dhe sigurinë e pakicës shqiptare“, është shprehur ndër të tjera Bislimi. Kujtojnë se Gjyjata Supreme e Serbisë nuk ka pranuar revidimin e vendimit të Gjykatës së Apelit në Beograd e cila e kishte liruar nga akuza ministrin Vulin për termat fyes ndaj shqiptarëve. Paditësi, ish kryetari i Këshillit Kombëtar Shqiptar, Ragmi Mustafi, ka paralajmëruar tani padi në Gjykatën Kushtetuese të Serbisë, ndërsa si mjet të fundit edhe padinë në Gjykatën e Strazburgut.
Discrimination & hate speech are now a norm in Serbia. Apparently it is legal under Serbian law to use derogatory terms against Albanians. The ruling from the Serbian Supreme Court on the statements of DPM Vulin deepen our concerns regarding the Albanian minority rights & safety. pic.twitter.com/Ky2OFsciqt
— Besnik Bislimi (@BislimiBesnik) November 4, 2024
