Ne dy vendvotimet të ndryshme, nesër do të ripërsëriten zgjedhjet lokale për Komunën e Bujanocit.
Të enjtën, do të rivotohet në vendvotimet numër 9 në Muhoc dhe në vendvotimin numër 46, (ish shkolla e mesme serbe) tanimë në hollin e Shtëpisë së kulturës në Bujanoc.
Por, sa mund që rezultati eventual I nesërm, të ndryshojë numrin e asambleistëve të ardhshëm në Kuvendin komunal të Bujanocit.
Është partia e presidentit Vuçiq, Partia Progresiste serbe, ajo që po pretendon, që përmes një ndryshimi të rezultati, të fitojë mandatin e 8 të asambleistëve. Në momentin që SNS-i , siguron vota të mjaftueshme për këshilltarin e 8, Lëvizja për Progres Demokratik, ka gjasa, që të humb, mandatin e 8, e që mjaftueshëm do t’i vështirsonin Shqiprim Musliut, krijimin e një shumice të re qeverisëse.
Megjithate, kreu i SNS-it në Bujanoc, Nenad Mitroviq, ditë më parë ka shpërndarë thirrjen e kryetarit të LPD-së Shqiprim Musliu (i cili kishte ftuar votuesit shqiptarë që ta mbështesin listën e tij në zgjedhjet e 13 qershorit), në një mbishkrim ka theksuar: “Ja kush humbet dhe kush e merr mandatin e këshillit në zgjedhjet e përsëritura? Ftoj votuesit që të enjten të mbështesin SNS-në, nesër listën zgjedhore Aleksandar Vuçiq-Bujanoc, numër 3. Rroftë Serbia!!!” – thuhet në mbishkrimin e Nenad Mitroviqit.
Kujtojmë, që Alternativa për Ndryshim, respektivisht lista Fronti për Ndryshim, ka bërë të ditur, që edhe vendvotimin numër 14 në Konçul, do të dërgon në ankimim në Gjykatën Administrative, duke i kontestuar LPD-së, rezultatin prej 1091 vota në atë vendbanim shqiptar./LUGINALAJMI/
