Prokuroria e Lartë Publike në Vranje ka njoftuar se ka përfunduar hetimi në vendngjarje në aksidentin e ndodhur mbrëmë në rrugën Preshevë-Bujanoc, në të cilin humbën jetën tre migrant nga vendet afrikano-aziatike.
Policia në Preshevë, nën urdhrin e Prokurorisë së Lartë dhe Themelore në Vranje, ka caktuar mbajtjen në arrest për R.R. (1981) nga fshati Corroticë e Preshevës, i dyshuar si drejtues i automjetit BMË, në të cilin po transportoheshin 14 migrantë, dhe i njejti shkaktoi aksidentin rrugor në të cilin humbën jetën tre migrantë.
Po ashtu, policia ka zbuluar se R.R. drejtonte automjetin pa lejen. Ai akuzohet për kryerjen e veprave penale të kalimit të paligjshëm të kufirit shtetëror, trafikimin e njerëzve dhe veprën e rëndë kundër sigurisë publike në trafik./LUGINALAJMI/
