Komuna e Bujanocit, përmes Komisionit të vlerësimit të projekteve në fushën e sporteve, ka marrë një vendim që ka shkaktuar shumë kritika. As edhe një dinar nuk është ndarë për Klubin e Volejbollit të Femrave “Flaka”, një nga klubet më të përkushtuara dhe me konkurruese në ligat regjionale, e cila rreth vetës mbledhç rreth 45 vasha nga ky qytet. Ky vendim ka shkaktuar një reagim të fortë nga këshilltari Rahim Salihi, i cili e ka quajtur këtë një akt diskriminues dhe të padrejtë ndaj vajzave të reja që marrin pjesë në sport.
Në një postim të tij në Facebook, Salihi e ka shprehur keqardhjen për faktin që, pavarësisht përkushtimit të jashtëzakonshëm të klubit dhe udhëheqësve të tij, asnjë mbështetje financiare nuk është ofruar. Klubi “Flaka” është i vetmi që mbledh vajza të moshës deri në 16 vjet dhe që garon në Ligën Ndërregjionale të Volejbollit U14. Përveç kësaj, klubi udhëhiqet me shumë pasion dhe përkushtim nga dy gra, Mimoza dhe Magbulja, të cilat kontribuojnë për zhvillimin e sportit dhe promovimin e femrave në këtë fushë.
Me mbi 45 vajza që stërviten rregullisht, “Flaka” ka krijuar një atmosferë të shkëlqyer ekipore dhe ka arritur suksese të shumta, pavarësisht mungesës së burimeve financiare. Kjo i bën veprimet e komunës akoma më shqetësuese, duke theksuar mungesën e mbështetjes për iniciativat që promovojnë vajzat dhe gratë në sport.
Pavarësisht përkushtimit të këtij klubi dhe suksesit të tij, është alarmuese që Flaka nuk ka marrë asnjë financim në konkursin e fundit për mbështetje të klubeve sportive nga Komuna e Bujanocit. Salihi ka theksuar se ky vendim është një reflektim i përkushtimit të ulët të pushtetit lokal ndaj femrave dhe fëmijëve në sport.
Kjo situatë tregon një papërgjegjshmëri dhe mungesë të vëmendjes nga ana e autoriteteve lokale, të cilat nuk po investojnë në zhvillimin e mundësive për vajzat dhe gratë që angazhohen në aktivitete sportive, dhe sidomos në një klub si “Flaka”, që me shumë mund dhe pasion po kontribuon në përparimin e sportit në Bujanoc. Kjo është një shenjë e qartë se, përkundër potencialit të madh që ka ky klub, ato nuk po gjejnë mbështetje nga autoritetet që duhet të promovonin barazinë dhe mundësitë për të gjithë./LUGINALAJMI/
