Partia për Veprim Demokratik, dega në Bujanoc, sot ka dorëzuar listën me kandidatët për këshilltarë komunal pranë Komisionit komunal zgjedhor në Bujanoc.
Në dorëzimin e listës garruese me nënshkrimet mbështetëse të qytetarëve, morrën pjesë dhejtra anëtarë e aktivistë të denjë të PVD-së, në mesin e të cilëve ishte edhe kryetari i PVD-së, Shaip Kamberi, i nominuari për kryetar të Bujanocit, Ragmi Mustafi dhe kryetari aktual i Kuvendit komunal, Enver Ramdani.
Është kryetari i PVD-së, Shaip Kamberi, ai i cili përmes një postimi në facebook, për dorëzimin e listës me kandidatët e PVD-së, ka thënë se rrënjët janë tek PVD, qëndrimi është i qartë, shumicë shqiptare e jo të ndikuar nga politika përçarëse i duhet Bujanocit, e të tillë e ofron veç PVD duke vazhduar betejën politike për shqiptarët e me shqiptarët, në çdo instancë e me çdo mjet!
