Pas nominimit të kryetarit të degës së PVD-së në Bujanoc, Ragmi Mustafi, për kryetar të Komunës së Bujanocit, kjo parti, st ka filluar me mbledhjen e nënshkrimeve përkrahëse për pjesëmarrje në zgjedhjet lokale të 2 qershorit.
Përmes një postimi në facebook, pretendi për kryetar të Bujanocit, Ragmi Mustafi, ka njoftuar qytetarët që partia e tij ka filluar me mbledhjen e nënshkrimeve, duke thumbuar kundërshtarët se: “Mbledhja e nënshkrimeve nuk është garë absurde fëmijësh se kush po i mbledh i pari, po është një proces bashkëbisedimi për kauzën tonë të përbashkët, për më shumë Kosovë e Shqipëri në Bujanoc në katër vitet e ardhshme” – ka shkruar ndër të tjera Mustafi.
“Faleminderit të gjithëve për mbështetjen, gjatë këtij muaji do kemi mundësi me secilin prej jush të diskutojmë e shpalosim rrugëtimin tonë, për Bujanocin me më shumë Kosovë e Shqipëri gjatë 4 viteve të ardhëshme. Për vizionin tonë: Bujanoci meriton më mirë, shumë më mire” – ka shkruar më tej kandidati për kryetar të Bujanocit, Ragmi Mustafi.
Kujtojmë që, nënshkrimet mbështetëse, Partia Demokratike, Partia për Pajtim dhe Drejtësi (SPP) dhe Partia Progresiste serbe (SNS), i kanë mbledhur përgjatë 24 orëve, ndërsa kryetari aktual i Bujanocit, Nagip Arifi, ketë arritje të mbledhjes së nënshkrimeve e vlerësoi në “kohë rekorde”.
Partia për Veprim Demokratik, në Bujanoc sot ka nisur me mbledhjen e nënshkrimeve, dhe pritet që ditët mnë vijim ta dorëzoi listën konkurruese./LUGINALAJMI/
