Në ditën e parë të semi-maturës, nxënësit e klasës së VIII-të bëjnë di ti nënshktrohen testit në gjuhën e tyre amtare
Nxënësit e klasës së VIII të shkollave fillore në Serbi sot, do t’i nënshtrohen provimit përfundimtar të gjuhës serbe, përkatësisht gjuhën së tyre amtare. Provimi përfundimtar fillon në orën 9:00h të mëngjesit dhe zgjat deri në orën 11:00h dhe mbahet në të njëjtën kohë në të gjithë Serbinë. Nëse ndodh që provimi ka filluar me vonesë, koha e provimit zgjatet në mënyrë që testi të zgjasë 120 minuta
Nxënësit nuk mund të dalin nga dhoma e provimit për 45 minutat e para të provimit dhe as në 15 minutat e fundit.
Të mërkurën, më datë 19 qershor, nxënësit e klasës së VIII-të do t’i nënshtrohen provimit në lëndën e matematikës dhe më 20 qershor në lëndën zgjedhore.
Gjatë provimit përfundimtar nuk lejohet përdorimi i celularëve, orëve inteligjente, kalkulatorëve, fletoreve, letrës apo materialeve të tjera që nuk janë pjesë e aksesorëve të përcaktuar të provimit.
Secili nga testet ka maksimumi 20 pikë dhe për të llogaritur pikët e regjistrimit duhet shumëzuar numri i pikëve në testet e gjuhës amëtare dhe matematikës me koeficientin 0.7 dhe numri i pikëve të fituara në testi i tretë me 0.6.
Provimit, sot do t’i nënshtrohen edhe nxënësit shqiptarë të klasave të VIII-ta të shkollave shqiptare në Luginën e Preshevës.
Rezultatet paraprake të provimit përfundimtar më 22 qershor
Rezultatet paraprake të provimit përfundimtar në nivel shkolle dhe portalit Shkolla ime e mesme do të publikohen ditën e shtunë, më 22 qershor.
Nxënësit dhe prindërit e tyre kanë të drejtë ankese, të cilat mund të dorëzohen drejtpërdrejt në shkollë ose në mënyrë elektronike. Publikimi i rezultateve përfundimtare të provimit përfundimtar do të bëhet më 25 qershor, ndërsa shpërndarja sipas shkollave të mesme dhe profileve arsimore do të bëhet më 2 korrik.
Plotësimi i listës së zotimeve bëhet më 26 dhe 27 qershor në mënyrë elektronike ose direkt në shkollat fillore amë.
Fillimisht ne kishim planifikuar që provimin përfundimtar ta zhvillonim më 17, 18 dhe 19 qershor, por ai u zhvendos për një ditë më vonë, dmth në datat 18, 19 dhe 20 qershor, pasi Qeveria e Serbisë konstatoi se 17 qershori, dita e dytë Kurban Bajrami, do të jetë ditë jopune për besimtarët islamë në Serbi.
Regjistrimet në shkollat e mesme mund të bëhen edhe këtë vit elektronikisht, në portalin “Moja sredna škola”, duke filluar nga data 2 deri më 6 korrik.
