Kryetari i Lëvizjes për Progres Demokratik, Shqiprim Musliu, nuk i’u është përgjigjur thirrjes së liderit të Alternativës për Ndryshrim në Bujanoc, Arbër Pajazitit për takimin e sotëm në orën 10:00h.
Është kreu i APN-së në Bujanoc, dhe fituesi i zgjedhjeve lokale të 2 qershoerit, Arbër Pajaziti, ai I cili përmes një postimi në profilin e tij, ka njoftuar që kryetari i LPD-së nuk i është përgjigjur ftesës së tij për takim.
“LPD nuk paraqitet në bisedime, nuk e arsyeton as mungesën
Ashtu siç ju kemi njoftuar, për sot kemi paraparë një takim me përfaqësuesit e Lëvizjes së Progresit Demokratik, në kuadër të ciklit të bisedave me subjektet politike shqiptare, me qëllim të shqyrtimit të mundësive të bashkëpunimit në ndërtimin e institucioneve të reja lokale.
Në takimin e caktuar në ora 10:00, në selinë e Altërnativës për Ndryshim në Bujanoc, nuk janë paraqitur përfaqësuesit e subjektit në fjalë, ndërsa mungesën e tyre nuk e kanë arsyetuar në asnjë formë”, ka shkruar ndër të tjera, Arbër Pajaziti, bartës i listës Fronti për Ndryshim.
Tutje, Pajaziti, ka shkruar se: “Si fitues i zgjedhjeve lokale, Fronti për Ndryshim do të vazhdoj me agjendën e vet, ku si fokusim ka krijimin sa më të shpejtë të organeve të reja të pushtetit lokal në Bujanoc, duke vënë në vend kështu verdiktin e popullit. E përsërim se, nuk kemi kohë për të humbur, Bujanocit i duhet veprim pro aktiv sepse duhet vënë në shërbim të qytetarëve, me përkushtim dhe qëllim të mire” – thuhet në përfundim të njoftimit të Arbër Pajazitit.
Kujtojmë që ditë më parë, Arbër Pajaziti, ka ftuar tru subjektet shqiptare LPD, PD dhe PVD në bisedime mbi mundësinë e krijimit të shumicës së re qeverisëse. Për sot, ishte planifikuar takimi me përfaqësuesit e LPD, ndërsa për ditën e enjte (nesër), Pajaziti, ka ftuar në takim zyrtarët e PD-së dhe PVD-së. Megjithate, ende nuk është konfirmuar nëse nga këto dy subjekte shqiptare, do t’i përgjigjen ftesës së kryetarit të APN-së në Bujanoc, Arbër Pajaziti./LUGINALAJMI/
