Përkundër që ende nuk ka asnjë marrëveshje mbi qeverisjen e ardhshme katër vjeçare me Komunën e Bujanict, kryetari aktual i Asamblesë komunale, Enver Ramadani, ka ftuar seancën konstituive për datë, 30 korrik.
Lajmin, e ka bërë të ditur vet Ramadani, përmes një postimi në facebook.
“Marrë për bazë përgjegjësit që kam dhe funksioni që ushtroj për 4 vite me ndërgjegjen me të pastër ndaj gjithë qytetarëve dhe për te miren e tyre, dje kam pasur konsulltime me të gjitha subjektet politike dhe grupet qytetare që kan fituar mandate në Kuvendin e ri Komunal për caktimin e datës për Seancën Konstituive ku kemi diskutuar reth datave në përputhje me afatet ligjore” – thuhet ndër të tjera në njoftimin e Ramadanit.
Megjithate, përkundër disa takimeve të zhvilluara nga blloku i partive LPD, PD dhe PVD, ende nuk ka asnjë informacion, nëse janë afër të ndërtimit të një koalicioni me listat serbe, derisa ky bllok politik, nuk i është përgjigjur ftesave të Arbër Pajazitit nga lista “Fronti për Ndryshim”, si fitues i zgjedhjeve të 2 qershorit, për të diskutuar rreth mundësive të krijimit të shumicës se re qeverisëse./LUGINALAJMI/
