Komisioni për ndarjen e mjeteve stimuluese për zhvillimin e sipërmarrësisë lokale në Komunën e Bujanocit ka shpallur konkurs publik për ndarjen e subvencioneve për ndërmarrësit dhe bizneset e vogla e të mesme.
Për këtë qëllim, nga buxheti komunal janë ndarë gjithsej 10 milionë dinarë. Konkursi është i hapur nga 25 gushti deri më 8 shtator 2025, dhe të gjithë të interesuarit mund të aplikojnë brenda këtij afati.
Ky program ka për qëllim përkrahjen e zhvillimit të bizneseve lokale, hapjen e vendeve të reja të punës dhe forcimin e ekonomisë së komunës së Bujanocit./LUGINALAJMI/
