Një aksident tragjik ka ndodhur të martën rreth orës 17:15 në rrugën Ristoc–Kërshevicë, ku një automjet i tipit “Passat”, për shkak të shpejtësisë së papërshtatur, ka goditur pjesën e pasme të një biçiklete. Biçikleta drejtohej nga S.M. (73), i cili, si pasojë e përplasjes, ka pësuar lëndime të rënda trupore dhe ka ndërruar jetë në vendngjarje.
Sipas njoftimit të Prokurorisë Themelore Publike në Vranjë, me urdhër të saj është ndaluar M.S. (29) nga rrethina e Bujanocit, i dyshuar për veprën penale “shkaktim i aksidentit të rëndë në trafikun publik”.
Në vendin e ngjarjes është kryer ekspertiza, ndërsa me urdhër të prokurorisë është caktuar obduksioni i trupit të viktimës, raporton Blic./LUGINALAJMI/
