Pjestarët e Ministrisë së Punëve të Brendshme ka arrestuar sot një 30-vjeçar me inicialet B. B. nga rrethina e Bujanocit, nën dyshimin se ka kryer veprën penale të “shkaktimit të rrezikut të përgjithshëm”.
Sipas raportimeve, më 14 mars, i arrestuari dyshohet se ka vënë zjarr një automjeti të tipit ‘Audi’, i cili ishte në pronësi të një punonjësi policie nga Stacioni Policor në Preshevë.
Gjatë kontrollit në shtëpinë e të dyshuarit, policia ka gjetur një sasi të vogël të një substance që dyshohet të jetë marihuanë. Për këtë arsye, ndaj tij do të ngrihet edhe një kallëzim penal për “posedim të paautorizuar të lëndëve narkotike”, i cili do të trajtohet nga Prokuroria Themelore Publike në Vranjë.
Me urdhër të prokurorit kujdestar nga e njëjta prokurori, të dyshuarit i është caktuar masa e ndalimit./LUGINALAJMI/
