Dy përfaqësuesit politikë shqiptarë nga Lugina e Preshevës, deputeti Shaip Kamberi dhe kryetari i Këshillit Kombëtar Shqiptar, Enkel Rexhepi, nesër pritet të udhëtojnë drejt Berlinit për një vizitë zyrtare.
Sipas burimeve të portalit LUGINALAJMI, qëllimi i vizitës është prezantimi i gjendjes aktuale të shqiptarëve në Luginë, me theks të veçantë te diskriminimi institucional që po ushtrohet nga autoritetet serbe. Të dy përfaqësuesit synojnë që në takimet e planifikuara të ngrenë çështje kyçe që prekin komunitetin shqiptar në Serbi, duke kërkuar përkrahje nga faktori gjerman për avancimin e të drejtave të tyre.
Vizita në Berlin vlerësohet si e një niveli të lartë dhe përfaqësuesit nga Lugina – Kamberi dhe Rexhepi – do të jenë zëri i vetëm zyrtar i shqiptarëve në këto takime ndërkombëtar.
LUGINALAJMI do të raportojë në vazhdim për zhvillimet nga kjo vizitë zyrtare./LUGINALAJMI/
