Në pikën kufitare të Preshevës, në kufirin ndërmjet Serbisë dhe Maqedonisë së Veriut, që nga mëngjesi i sotëm janë shënuar pritje të gjata për udhëtarët që dalin nga Serbia. Sipas njoftimit të Auto-Moto Lidhjes së Serbisë, automjetet po presin rreth 90 minuta për të kaluar kufirin, ndërsa autobusët rreth 30 minuta.
Fluks i shtuar pritet edhe në rrugët që lidhin pjesën lindore të vendit me Evropën Perëndimore, për shkak të lëvizjeve sezonale të qytetarëve dhe pushimeve verore.
Në pikat e pagesës së autostradës nuk ka vonesa të raportuara.
Ndërkohë, situata më e rënduar është në kalimet kufitare për kamionë – në pikën kufitare Shid, pritja është rreth pesë orë, ndërsa në Batrovci rreth katër orë./LUGINALAJMI/
