Kryetari i Komunës së Bujanocit, Arbër Pajaziti, ka njoftuar për nënshkrimin e një kontrate me Ministrinë për Pajtimin për realizimin e një projekti të ri infrastrukturor në qytet.
Sipas kryetarit Pajaziti, kontrata është nënshkruar në prani të ministrit Usame Zukorliq dhe parashikon financimin e ndërtimit të rrjetit të kanalizimit në rrugën Banjska, me një vlerë prej 8.7 milionë dinarësh.
Qëllimi i këtij investimi është përmirësimi i infrastrukturës publike dhe krijimi i kushteve më të mira të jetesës për banorët e kësaj pjese të qytetit. Projekti konsiderohet pjesë e përpjekjeve institucionale për zhvillimin e qëndrueshëm të komunës dhe përmirësimin e shërbimeve bazë për qytetarët./LUGINALAJMI/
