Një nga lokalet më të njohura të Bujanocit rikthehet pas një pauze të gjatë.
Rodon Pub, i hapur fillimisht në vitin 2001, për shumë vite ishte vendtakimi kryesor i të rinjve dhe një prej adresave me të cilat Bujanoci u identifikua për atmosferën karakteristike që e sillte: mbrëmje argëtuese, net me DJ dhe festa të paharrueshme.
Sipas njoftimit të bërë nga vetë faqja e lokalit, ky emër simbol i skenës argëtuese në qytet po hap sërish dyert për mysafirët.
“Ikona e Bujanocit po rikthehet! Pas një pauze, Rodon Pub kthehet me atmosferën që e keni dashur gjithmonë. Vendi juaj i preferuar për mbrëmje të mira është sërish këtu” – thuhet në njoftimin e publikuar.
Rihapja është paralajmëruar për datën 21.11.2025, të premten.
Organizatorët premtojnë surpriza dhe rikthimin e energjisë që e bëri Rodon Pub një emër të pazëvendësueshëm në jetën e natës në qytet.
LUGINALAJMI ju sjell disa fotografi nga vitet e kaluara, që rikujtojnë atmosferën unike që krijohej në Rodon Pub./LUGINALAJMI/
