Profesor i muzikës në Shkollën e Mesme “Sveti Sava” në Bujanoc, Nemanja Brankoviq, ka prishur festën e ditës së shkollës së mesme serbe në Bujanoc, duke bërë një deklaratë të fuqishme gjatë ceremonisë që u mbajt të hënën në mbrëmje në sallën e madhe të Shtëpisë së kulturës. Ai shprehu shqetësimin e tij për situatën në Serbi, duke thënë: “Derisa na shkelin fëmijët, regjimi na tregon gishtin e mesëm… ne do të këndojmë, por për të gjitha viktimat në Ribnikar, Novi Sad, Barajë”, shkruan Bujanovacke, përcjell LUGINALAJMI.
Fjalët e tij u dëgjuan nga funksionarët dhe aktivistëst e SNS-it në Bujanoc, ndërsa kreu i kësaj partie, Nenad Mitrović, kërkoi nga drejtoresha e shkollës Svetlana Manasijeviq, që ta ndalonte progesorin e muzikës duke u shqetësuar për deklaratën e tij.
Nemanja Brankoviq, doli në skenë në Shtëpinë e Kulturës të Bujanocit me korin shkollor dhe, duke qenë i tronditur për ngjarjet e fundit në Serbi, ai theksoi se nuk ishte koha për festa kur ndodhin tragjedi të tilla në vend. Ai tha se do të këndonin himnin e Sveti Sava, por do ta këndonin për të gjithë ata që humbën jetën në shkollën “Vlladislav Ribnikar”, për të gjithë ata që humbën jetën nën strehën në Novi Sad, për të gjithë ata që humbën jetën në shtëpinë e të moshuarve në Barajë dhe për të gjithë punonjësit e frikësuar të arsimit.
“Ndërsa po shkelin fëmijët nëpër rrugë, regjimi na tregon gishtin e mesëm,” theksoi Brankoviq.
Për këtë fjalim të fortë, drejtoresha e shkollës, Svetlana Manasijeviq, i është afruar Brankoviqit me qëllim që ta largonte nga mikrofonin, por ai tha gjithçka që kishte për të thënë. Pas këtij momenti, nuk pati duatrokitje.
Për shkak të këtij bojkoti, një numër i konsiderueshëm profesorësh e bojkotuan festën në kafene. Ata mendojnë se nuk ka asgjë për të festuar ndërsa kolegët, nxënësit dhe studentët po protestojnë në të gjithë vendin. Drejtoresha nuk u pajtua me ta.
Në ndërkohë, të ftuarit e lartë u përpoqën të kalonin goditjen e momentit duke u rikuperuar në kafene, ku ishte organizuar festa./LUGINALAJMI/7
