Lulzim Halili, ish-pjesëtar i Ushtrisë Çlirimtare të Kosovës, është arrestuar të martën në qytetin e Svilajnacit në Serbi, sipas raportimeve të mediumit serb “Novosti”.
Zyra e Prokurorit për Krime të Luftës i ka caktuar atij masën e ndalimit për 48 orë.
Sipas të dhënave të publikuara, Halili, i lindur në vitin 1966 dhe me origjinë nga Peja, dyshohet për përfshirje në krime kundër njerëzimit dhe krime lufte në territorin e Kosovës.
Autoritetet serbe nuk kanë dhënë më shumë detaje mbi rastin.
