Deputetët e Kuvendit të Kosovës do të mblidhen sot për herë të 25-të, në përpjekje për të përmbyllur seancën konstituive që ka nisur më 15 prill.
Pavarësisht përpjekjeve të deritanishme, procesi ka mbetur i bllokuar për shkak të mungesës së pajtueshmërisë rreth zgjedhjes së kryetarit të Kuvendit. Në vazhdimet e kaluara, partitë që në legjislaturën e kaluar kanë qenë në opozitë kanë refuzuar të votojnë komisionin për votim të fshehtë dhe janë shprehur kundër propozimit të Lëvizjes Vetëvendosje për ta zgjedhur Albulena Haxhiun në krye të Kuvendit.
Nga ana tjetër, Vetëvendosje ka qëndruar e palëkundur në qëndrimin e saj, duke mos pranuar ndryshim të kandidaturës së propozuar.
Seanca e radhës është paraparë të nisë në orën 10:30, ndërsa mbetet për t’u parë nëse kësaj radhe do të ketë lëvizje drejt zhbllokimit të procesit./LUGINALAJMI/
