Një ushtar i Ushtrisë së Serbisë, rreshteri B.J., pjesëtar i batalionit të 41-të të këmbësorisë të Brigadës së Katërt të forcave tokësore, ndërroi jetë të enjten në Qendrën Shëndetësore të Bujanocit. Ai ishte transportuar urgjentisht pasi kishte humbur vetëdijen gjatë një ushtrimi për vlerësimin e aftësive fizike në bazën ushtarake “Jug”, bëri të ditur Ministria e Mbrojtjes së Serbisë, shkruan JugMedia, përcjell LUGINALAJMI.
Rreshteri B.J. ishte lindur më 20 korrik 1982 në Surdulicë dhe shërbente në Ushtrinë e Serbisë që nga viti 2004. Ai ishte i martuar dhe baba i tre fëmijëve.
Petar Boshkoviq, anëtar i kryesisë së lëvizjes “Srce” dhe ish-shef i Zyrës për Marrëdhënie me Publikun në Ministrinë e Mbrojtjes, reagoi përmes rrjetit social X (ish-Twitter), duke thënë se “ushtari ka ndërruar jetë sepse nuk ka pasur mjek në bazë në momentin kur i është përkeqësuar gjendja”.
https://x.com/PetarBoskovic61/status/1937233654092300702?ref_src=twsrc%5Etfw%7Ctwcamp%5Etweetembed%7Ctwterm%5E1937233654092300702%7Ctwgr%5E55e838a48b90028771816f7ad7449e7108fa1b1d%7Ctwcon%5Es1_c10&ref_url=https%3A%2F%2Fjugmedia.rs%2Fvojnik-preminuo-tokom-vezbe-boskovic-tvrdi-da-u-bazi-jug-nije-bilo-lekara-kad-se-to-desilo%2F
