Në fshatin Corroticë të Komunës së Preshevës, sot është hapur zyrtarisht klasa e re e çerdhes, e dedikuar për fëmijët e moshave 3 deri në 5 vjeç.
Hapjen e klasës së re e ka bërë të ditur kryetarja e Komunës së Preshevës, Ardita Sinani, e cila ka theksuar se ky investim do t’u shërbejë fëmijëve të Corroticës dhe Shoshajës, por njëkohësisht do të jetë edhe një lehtësim për familjet e tyre.
“Sot, një hap i ri për fëmijët e Corroticës dhe Shoshajës. Hapëm klasën e re të çerdhes për moshat 3–5 vjeç — një investim konkret për fëmijët dhe lehtësim për familjet”, ka shkruar Sinani.
Ajo ka shtuar se “punët e mira maten me atë që mbetet pas nesh”, duke uruar fëmijët që do ta shfrytëzojnë hapësirën e re.
“E gëzofshi të vegjlit tanë!”, ka përfunduar Sinani./LUGINALAJMI/
