Këshilli i Xhamisë në Bujanoc ka organizuar mbrëmjen e së martës një koktej në oborrin e xhamisë, në shenjë mirënjohjeje për mërgimtarët që këto ditë po qëndrojnë në vendlindje.
Në një njoftim të publikuar nga Xhamia Qendrore Bujanoc, organizatorët falënderuan të gjithë të pranishmit për pjesëmarrjen dhe respektin e treguar, duke vlerësuar se ky aktivitet shërben për forcimin e lidhjeve mes besimtarëve dhe bashkatdhetarëve.
“Ky organizim përfaqëson një shenjë mirënjohjeje dhe bashkimi, dhe me lejen e Allahut do të vazhdojë si traditë në të ardhmen”, thuhet në njoftimin e Këshillit të Xhamisë.
Kokteji mblodhi një numër të madh mërgimtarësh dhe qytetarësh të Bujanocit në një atmosferë miqësore, duke shërbyer si një rast për takim, bashkëbisedim dhe forcimin e lidhjeve me vendlindjen./LUGINALAJMI/
