Të hënën, edhe zyrtarisht, juristi Agim Kamberi nga Presheva ka marrë detyrën e prokurorit në Prokurorinë Themelore Publike në Vranjë, paralelja në Bujanoc.
Ai vjen në pozitën e lirë të kolegut shqiptar të pensionuar muaj më parë.
Vendimi për përzgjedhjen e Kamberit për prokuror publik është marrë nga Këshilli i Lartë i Prokurorisë (KLP) në fillim të vitit 2024, derisa për ketë pozitë publike, ishin 11 kandidatë.
Prokurori Agim Kamberi ka bërë betimin për prokuror në Kuvendin e Serbisë.
Agim Kamberi ka lindur në vitin 1968, ndërsa në vitin 2002 ka diplomuar në Fakultetin Juridik në Prishtinë. Për një kohë ka punuar në Administratën Komunale të Preshevës, pastaj është punësuar në Akademinë e Gjyqësorit, ndërsa nga viti 2019 deri sa është zgjedhur prokuror, ka ushtruar profesionin e avokatit./LUGINALAJMI/
