Muaji i tetor, njihet edhe si muaji i ndërgjegjësimit dhe senzibilimit të kancerit të gjirit. Është Zyra për të rinj pranë Komunës së Preshevës, që nën patronatin e kryetares së komunës, më 27 tetor (e dielë), ora 15:00h, do të organizojë marsh senzibilizues mbi vetëdijsimin e grave mbi kancerin e gjirit, duke marshuar në këmbë, nga Qendra e Preshevës, deri tek Shtëpia e Kultutës “Abdullah Krasnica” në Preshevë.
Me këtë rast, kryetarja preshevare, Ardita Sinani, ka ftuar gratë për pjesëmarrje, duke shtuar se: “Bashkë, le të përçojmë mesazhin për rëndësinë e zbulimit të hershëm, dhe të inkurajojmë njëra-tjetrën për mbështetje dhe kurajo. Ftojeni një shoqe, një familjare, një kolege, që të jemi sa më shumë për t’u sensibilizuar dhe për të mbështetur ato që po luftojnë çdo ditë” – ka shkruar Sinani.
Ndryshe, kjo është hera e parë që një marsh senzibilizues për kancerin e gjirit, do të zhvillohet në Preshevë./LUGINALAJMI/
