Vendimi i fundit i Këshillit Komunal të Bujanocit për të financuar vetëm katër nga 26 mediat që aplikuan në konkursin për informim ka shkaktuar pakënaqësi të forta në radhët e mediave, por për çudi, asnjë zyrtar i lartë nga partitë opozitare LPD, PD dhe PVD nuk ka reaguar. Ky vendim, që ndjek direktiva politike, ka përjashtuar disa media të rëndësishme, sidomos ato shqiptare, duke theksuar një diskriminim të hapur ndaj tyre, gjithnjë sipas pikëpamjeve politike.
Përkundër rëndësisë së këtyre mediave në përhapjen e informacionit dhe mbrojtjen e interesave të komunitetit shqiptar, nuk ka pasur asnjë mbrojtje nga partitë politike të opozitës, të cilat janë të detyruara të reagojnë ndaj këtij diskriminimi. Kjo ngre pyetje të rëndësishme: kush i mbron mediat lokale, veçmas ato shqiptare, kur ato po diskriminohen nga institucionet e pushtetit lokal dhe qëndror?
Ky është një moment kritik për mediat shqiptare, të cilat po përballen me një presion të dyfishtë – nga njëra anë, nga pushteti qëndror, dhe nga ana tjetër, nga ai lokal./LUGINALAJMI/
