Kryeministri i Serbisë, Millosh Vuçeviq, i cili dha dorëheqjen sot, njoftoi se sot do të japë dorëheqje edhe kryetari i Novi Sadit, Milan Gjuriq.
Në një konferencë për media, ku njoftoi se po jep dorëheqje nga pozita e kryeministrit të Serbisë, Vuçeviq ka konfirmuar raportimet e mediave që kanë njoftuar sot se Gjuriq po largohet nga pozita e njeriut të parë të Novi Sadit.
“Me këtë plotësuam edhe kërkesat më politike të pjesës më ekstreme të protestuesve. Edhe kryeministri edhe kryetari i Novi Sadit besojnë se janë objektivisht përgjegjës për atë që ka ndodhur dhe si objektivisht përgjegjës po japim dorëheqjen. Të çojë në qetësimin e pasioneve, të çojë në kthim në dialog, në bisedë. Për cilën parti të votoni apo përkrahni, ne duhet të jemi të vetëdijshëm se Serbinë duhet ta ruajmë si shtet, e jo Serbinë si emocion”, tha kryeministri në dorëheqjen e tij.
Dorëheqja e Vuçeviqit dhe Gjuriqit, së bashku me publikimin e dokumentacionit të plotë për rindërtimin e stacionit hekurudhor në Novi Sad, ishte kërkesa e parë e opozitës dhe studentëve të Novi Sadit pas shembjes së tendës më 1 nëntor, kur humbën jetën 15 persona.
