Partia Demnokratike ka nominuar për deputet popullor, kryetarin e saj, Nagip Arifin.
Arifi i cili aktualisht mban pozitën e kryetarit të Komunës së Bujanocit është nominuar për deputet nga kryesia e Partisë Demokratike në mbledhjen e mbajtur më 8 nëntor.
Kjo parti e cila kërkon listë të përbashkët të partive shqiptare, ka vendosur edhe disa kritere, në rast që partitë shqiptare nuk unifikohen, atëherë kërkojnë që bartës i cilësdo listë të jetë lideri i saj, Nagip Arifi.
“Partia Demokratike konfirmon edhe një herë qëndrimin e saj se e mbështet listën e unifikuar të të gjitha partive politike shqiptare të Luginës së Preshevës. Çdo skenar tjetër që nuk përkon me unifikimin e plotë të faktorit politik shqiptar në Luginë, Partia Demokratike do të kërkojë që kandidati nga rradhat e veta të jetë prijës i listës” – thuhet ndër të tjera në kumtesën e Partisë Demokratike.
Kujtojmë që i nominuari për deputet, Nagip Arifi, aktualisht është kryetar i Komunës në mandatin e tij të katërt, derisa për një mandat ka qenë edhe zëvendëkryetar i komunës së Bujanocit./LUGINALAJMI/
