Në Serbi, dita e djeshme (e mërkur), u shpall “Ditë zije” në nderim të të vrarëve në Zveçan, respktivisht në afërsi të Manastirit të Banjskës.
Për shumëkë, veçmas për institucionet kosovare, serbët e vrarë u klasifikuan si terroristë, ndërsa për qeveritarët serbë, personat e ekzekutuar nga Policia e Kosovës, janë persona që janë angazhuar për lirinë e veriut të Kosovës.
Megjithate, ajo që u vërejtë dje, ishte që Komuna e Preshevës me kryetar Shqiprim Arifin, uli flamurin shtetëror në gjysmë-shtizë në nderim të “Ditës së zisë” dhe të vrarëve serbë në Zvaçan.
Është Ardita Sinani, kryetare e degës së PVD-së në Preshevë, që ka publikuar “nderimin” e Komunës së Preshevës ndaj të vrarëve në veri të Kosovës.
Pas publikimit të fotografive, Komuna e Preshevës, ka tërhequr flamurin lartë, duke dashur që të mos dëshmohet që po rrespekton “Ditën e zisë” të shpallur nga Qeveria e Serbisë./LUGINALAJMI/
