Kryetari i gjerëtanishëm i Këshillit Kombëtar Shqiptar, Ragmi Mustafi, takimin e tij të fundit e ka realizuar me zëvendëkryeministrin e parë Kosovar, Besnik Bislimin.
Pas takimit, vet Mustafi përmes një postimi në facebook, ka falenderuar Qeverinë e Republikës së Kosovës, kryeministrin Kurti dhe zv/kryeministrin Bislim për bashkëpunimin dhe mbështetjen e vazhdueshme.
“Idetë e përbashkëta për avancimin e pozitës së shqiptarëve të Luginës së Preshevës bashkërisht i kemi kthyer në fushveprim
Avokim dhe diplomaci për çështjen e shqiptarëve të Luginës së Preshevës nga Brukseli, Strazburgu e deri Washington D.C e New York, përtej Atlantikut!
Mbështetja financiare e buxhetim nga Kosova drejtpërdrejtë tek shqiptarët e Luginës më herët ishin veç ide e dëshira, bashkë i bëmë realitet” – ka shkruar Mustafi ndër të tjera në faceboo.
Ai tutje ka thënë se: “Në krye të KKSH kisha nderin ta realizoj me zvKryeministrin e Republikës së Kosovës, Besnik Bislimi”.
“Bashkë u pajtuam që angazhimi në shërbim të shqiptarëve të Luginës së Preshevës nuk do të mungojë, pavarësisht pozitave e në çfarëdo kapaciteti që është nevoja
Faleminderit shumë Kosovë”.
Kujtojmë që, Ragmi Mustafi përkundër që fitoi zgjedhjet për Këshillin Kombëtar Shqiptar për dy herë radhazi, partitë e tjera më të vogla se PVD, nuk e mbështetet ate, gjë që rrezikuan mbylljen e institucionit të vetëm shqiptar në Serbi.
Me ketë rast, Mustafi u tërhoq nga kandidatura dhe i ofroi mundësinë e krijimit të një shumice të re, pa të, përkundër që partia e tij, PVD kishte numrin më të madh të anëtarëve në kuvendin e KKSH-së.
Kjo mundë të nënkutpohet se kryetari i gjertanishëm, Ragmi Mustafi u bë kurban për vazhdimin e funksionimit të Këshillit Kombëtar Shqiptar, institucionin që ai e ngriti në majat e politikës rajonale e botërore, ku çështja e Luginës së Preshevës u diskutua në Senatin amerikan të shtetit dhe OKB, e gjatë mandatit të tij, solli tekstet për nxënësit shqiptarë dhe fondin e Qeverisë së Kosovës për shqiptarët e Luginës, suksese këto që asnjë kryetar i mëparshëm nuk i preki dotë./LUGINALAJMI/