Çështja e Asociacionit dhe shkëmbimi territorial kanë përplasur ashpër panelistët të enjten në Politiko në Kanal10.
Zgjim Hyseni i PSD-së ka insistuar të marrë një qëndrim publik nga aktivisti Durim Jasharaj nëse është për themelimin e një Asociacioni brenda Kosovës.
“A je për Asociacion ti? Publikisht kisha dashtë një qëndrim prej këtij. A je për ripërcaktim?”, e pyeti Hyseni – Jasharajn.
Por, kësaj pyetje ka refuzuar tu përgjigjet Jasharaj i cili e quajti Hysenin “rrenc” e “mashtrues” dhe duke e akuzuar se angazhimi i tij ka qenë për shkëmbim territorial, transmeton Gazeta10.
“Rrencave s’ju përgjigjna. Mashtruesave s’ju përgjigjna. Ju keni rrejt, jeni angazhu për shkëmbim territoreve.”, iu kthye i revoltuar Jasharaj.
Ndërsa Hyseni ka vazhduar me polemika tjera duke i thënë Jasharajt se përpjekjet e tij politike janë për Preshevën, e jo Leposaviqin sikurse ai.
“Ne jemi sakrifiku, edhe jam krenar tërë jetën. Ju që qani për Leposaviqin ju s’meritoni kurgjo. Unë përpjekem për Preshevën, nuk qaj për Leposaviqin si ti. E në fund ty s’ta nin as për Leposaviqin. Ti kqyrë naj tifoz të Albinit me ba.”, u shpreh Hyseni.
Më poshtë momenti i plotë./Gazeta10
