Alternativa për Ndryshim, dega në Bujanoc, në zgjedhjet e 2 qershorit, nuk do të garojë e vetme, por në një listë të përbashkët me Unionin Demokratik Shqiptar dhe grupin qytetar “Lëvizja për Bujanocin”.
Ky formacion, që tashmë janë tubuar rreth Arbër Pajazitit, ka dorëzuar listën konkurruese me nënshkrimet mbështetëse pranë Komisionit komunal Zgjedhor të Bujanocit.
Ajo që vihet re në ketë listë, se bartës i saj nuk është pretendi për kryetar të Komunës së Bujanocit, Arbër Pajaziti, por ish kandidati për kryetar të Bujanocit nga radhët e PVD-së më 2020, Driton Rexhepi.
Në fakt, në opinion nuk dihet pse ka ardhur deri te ky “kalkulim” në mes Pajazitit dhe Rexhepit, megjithate ata bashkarisht kanë dorëzuar listën garuese për zgjedhjet e 2 qershorit.
Kujtojmë që, Arbër Pajaziti, është nominuar për kryetar të Bujanocit nga radhët e APN-së, dega në Bujanoc, ndërsa UDSH e udhëhequr nga Adem Hasani dhe Lëvizja për Bujanocin e udhëhequr nga Driton Rexhepi i’u bashkuan listës së APN-së, të cilën e kanë quajtur si “Fronti për ndryshim – Driton Rexhepi”./LUGINALAJMI/
