-Foto ilustrim-
Këshilli Kombëtar Shqiptar ka shpallur një konkurs për mbështetje të njëhershme financiare për nxënësit shqiptarë që ndjekin mësimin në institucionet arsimore me mësim në gjuhën shqipe – entet parashkollore, shkollat fillore dhe të mesme – dhe që kanë humbur një ose të dy prindërit. Kjo thirrje vjen në kuadër të zbatimit të vendimit të Qeverisë së Republikës së Kosovës për përkrahje për Luginën e Preshevës dhe Sanxhakun. Të gjithë nxënësit që i plotësojnë kriteret ftohen të aplikojnë për të përfituar ndihmë të njëhershme financiare, duke dorëzuar formularin e aplikimit të plotësuar së bashku me dokumentet e nevojshme. Afati për aplikim është nga data 9 deri më 23 prill 2024, deri në orën 15:00. Formulari dhe dokumentacioni përkatës janë të disponueshëm bashkë me vendimin e plotë të thirrjes, të cilat duhet plotësuar me kujdes për një aplikim të suksesshëm./LUGINALAJMI/
