-Foto ilustrim-
Kryeministri në detyrë i Kosovës, Albin Kurti, ka uruar Bedri Hamzën pas zgjedhjes së tij kryetar i Partisë Demokratike të Kosovës.
“E uroj z. Bedri Hamza për marrjen e detyrës së kryetarit të PDK-së. Proceset e brendshme zgjedhore në parti, si edhe bashkëpunimi i ndërsjellë ndërmjet spektrit të gjerë politik, duhet të jenë gjithmonë në funksion të interesit publik dhe forcimit të shtetit tonë”, ka shkruar Kurti në një postim në Facebook.
Ai shtoi se do të vazhdojë angazhimin për bashkëpunim korrekt politik, duke respektuar vullnetin e qytetarëve dhe përgjegjësitë që burojnë nga shërbimi ndaj Republikës./LUGINALAJMI/
