Një ngjarje e pazakontë ka ndodhur sot në autostradën Bujanoc – Preshevë, ku një shtetas i Maqedonisë së Veriut është arrestuar pasi ka zhvilluar një shpejtësi të jashtëzakonshme prej 184 km/h. Ngjarja ka marrë një kthesë dramatike kur ai ka goditur një automjet të policisë, duke lënduar një oficer dhe dëmtuar një radar policor, shkruan lugina.ime
Ky incident ka ndodhur në afërsi të pompës së karburantit, kur shtetasi J.A. (lindur në vitin 2002) ka shkaktuar një aksident që ka pasur pasoja serioze. Autoritetet kanë konfirmuar se dëmi material është i rëndë, duke arritur në rreth 2 milionë dinarë. Policia ka ndërmarrë menjëherë masa, duke urdhëruar ndalimin e të dyshuarit dhe hapur hetime për të zbardhur të gjitha detajet e ngjarjes./LUGINALAJMI/
