Një vajzë 20-vjeçare është lënduar rëndë në një aksident trafiku që ka ndodhur të mërkurën në orët e hershme të mëngjesit pranë Bujanocit. Ajo ishte pasagjere në njërën nga dy veturat e përfshira në aksident dhe është transportuar menjëherë për në spitalin klinik në Nish, ndërsa shoferi i së njëjtës veturë ka pësuar lëndime dhe ndodhet në proces diagnostikimi në Qendrën Shëndetësore të Vranjës, shkruan https://vom.rs/ përcjell LUGINALAJMI.
Sipas të dhënave të konfirmuara nga policia e Vranjës, është kryer hetimi në vendin e ngjarjes dhe është njoftuar prokuroria kompetente. Aksidenti ndodhi kur një veturë u përplas me një tjetër, ndërsa të dy automjetet – një “BMW” dhe një “Ford” – po udhëtonin nga fshati Lluçan në drejtim të Bujanocit./LUGINALAJMI/
