Presidenti i Republikës së Shqipërisë, Bajram Begaj, ka pritur sot në Tiranë kryetarin e Partisë për Veprim Demokratik dhe deputetin e vetëm shqiptar në Parlamentin e Serbisë, Shaip Kamberi.
Pas takimit, Begaj theksoi përmes një deklarate se bisedimet u përqendruan në sfidat me të cilat përballen shqiptarët në Luginën e Preshevës.
“Kurrë nuk do të heq dorë nga përpjekjet e mia për unifikimin e faktorit politik shqiptar dhe lobimin në të gjitha nivelet në mbrojtje të të drejtave dhe identitetit të tyre,” – shkroi presidenti Begaj pas takimit.
Takimi u cilësua si një hap i rëndësishëm në mbështetje të çështjes së shqiptarëve në Luginë dhe për forcimin e zërit të tyre në nivel ndërkombëtar./LUGINALAJMI/
