Pas një sëmundjeje të shkurtër, ka ndërruar jetë Avdil Ramadani. Lajmin e ka bërë të ditur djali i tij, Valdeti, përmes një njoftimi publik.
“Me pikëllim të thellë njoftojmë familjarët, miqtë dhe dashamirët se sot u nda nga jeta i dashuri ynë, Avdil Ramadani”, thuhet në njoftim.
Familjarët theksojnë se ai do të kujtohet për mirësinë, përkushtimin dhe dashurinë ndaj familjes dhe të afërmve, ndërsa kujtimi për të do të mbetet i paharruar.
I ndjeri ishte themelues dhe drejtues i degës së Partisë Republikane në Bujanoc.
Varrimi i të ndjerit do të bëhet sot (e hënë), pas namazit të ikindisë, në Bujanoc.
Ngushëllime familjes, të afërmve dhe të gjithë atyre që e njohën./LUGINALAJMI/
