Mëngjesin e sotëm, ka ndërruar jetë Arif Abazi, babai i dëshmorit të UÇPMB-së, Artan Abazi – Komandant Miratoca.
Lajmi për ndarjen nga jeta të tij është konfirmuar nga të afërmit e familjes, të cilët kanë shprehur dhimbjen për humbjen e një njeriu të urtë, burrëror dhe të qëndrueshëm, i cili la gjurmë të thella në familje dhe në rrethin e tij.
I ndjeri Arif Abazi do të kujtohet përherë për karakterin e tij, si dhe për kontributin dhe sakrificën që familja e tij ka dhënë në çështjen kombëtare.
Familja Abazi, të afërmit dhe miqtë janë shprehur të pikëlluar për këtë humbje, duke nderuar jetën dhe veprën e të ndjerit.
Sipas njoftimit të familjes, varrimi i të ndjerit do të bëhet pas namazit të Ikindisë.
Kujtojmë se Artan Abazi – Komandant “Miratoca” – ka rënë më 18 shkurt 2001 në Lluçan të Bujanocit, gjatë luftimeve ndërmjet UÇPMB-së dhe forcave serbe. Kjo e bën humbjen e sotme edhe më të ndjeshme për familjen, e cila prej vitesh bart në kujtesë një histori të rëndë dhe të dhimbshme./LUGINALAJMI/
