Kryetari i Partisë Demokratike (DS), Srđan Milivojević (Sërgjan Millivojeviq), ka bërë një deklaratë të fortë, duke pretenduar se mes personave të përfshirë në incidentet e 15 marsit në “Pionirski Park” në Beograd ndodheshin edhe “narkodilerë shqiptarë nga Tërnoci i Madh”.
Në një prononcim për agjencinë Beta, Millivojeviq ka pohuar se një grup i madh personash që flisnin shqip ishte pjesë e organizatave kriminale të angazhuara atë ditë. “Sipas informacioneve tona, bëhet fjalë për narkodilerë nga Tërnoci, ndërsa një pjesë e tyre vinte edhe nga Kosova,” deklaroi ai.
Milivojeviq gjithashtu tha se “Aleksandar Vuçiq më 15 mars solli në Pionirski Park persona që ndodhen në të gjitha evidencat e Ministrisë së Punëve të Brendshme si pjesë e grupeve të organizuara kriminale. Mes tyre ishte edhe një grup i madh që fliste gjuhën shqipe. Ne kemi mësuar se ata janë narkotrafikantë nga Tërnoci i Madh, ndërsa një pjesë vinte edhe nga Kosova.”
Ende mbetet e paqartë nëse këto pretendime do të ngjallin reagime tek shqiptarët në Luginën e Preshevës, duke pasur parasysh se partitë shqiptare në këtë rajon deri më tani kanë mbajtur një qëndrim neutral ndaj zhvillimeve politike në Serbi./LUGINALAJMI/
