I riu që humbi jetën pas një përleshjeje mes dy grupeve mbrëmë në Bujanoc është identifikuar si Arbenit Mujaj, 18 vjeç.
Arbeniti ishte i punësuar në biznesin familjar që merrej me pastrimin e automjeteve.
Varrimi i tij do të bëhet sot, më 7 gusht, në orën 18:00, në varrezat e qytetit të Bujanocit.
Kujtojmë se në këtë përleshje të rëndë, përveç Arbenitit që humbi jetën tragjikisht, lëndime të rënda ka pësuar edhe vëllai i tij, i cili ndodhet në trajtim në Qendrën Klinike Universitare në Nish.
Redaksia e LUGINALAJMI shpreh ngushëllimet më të thella dhe më të sinqerta për familjen Muja, si dhe për gjithë miqtë e të ndjerit Arbenit Muja./LUGINALAJMI/
